Nett no for tida er verda litt kaotisk. Eg likar å tenkje på det som ein situasjon der eg ikkje har mista oversikten, men heller ser ting ifrå eit litt forvirrande perspektiv… frå eit opp-ned perspektiv foreksempel. No har det igrunn vore slik over lengre tid, og eg byrjar å bli vand med å ha tilværet mitt slik. Går det an å bli vand til å sjå ting opp-ned? Tenk til dømes på dovendyret, som heng mykje opp ned – han må vel vera van med å sjå ting både opp ned og rett veg opp, om du forstår. Kan eg bli som dovendyret? Frå eit søvnmessig perspektiv så trur eg det skulle kunne gå greitt – er det noko eg kan så er det å sove. Men det var dette med å sjå ting frå fleire vinklar samtidig utan å bli forvirra…
Eg heng på greina mi og tittar ned på bakken der alt kaoset er, inntil vidare.
