Tokommafem liter C8H10 N4O2

Frå Wikipedia – det frie oppslagsverket:
Koffein (C8H10 N4O2) er eit alkaloid som finst naturleg i eit 60-tals vekster over heile verda, mellom annakaffibønner, te, kolanøtter, guarana og i mindre mengd i kakaobønner. Koffein kan óg framstillast kjemisk og tilsettast i mange leskedrikkar, slik som cola og Mountain Dew.

Eigenskapar
Rein koffein er ein luktfri kvit masse med ein karakteristisk bitter smak. Som kjemisk stoff er dei framste
eigenskapene stimulering av sentralnervesystemet, respirasjon og hjarterytme. Inntak av koffein medfører farmakologisk toleranse med til dels tydelege abstinenssymptom ved fråhald. Ved inntak av store mengder fungerar koffein som gift.

Dette grensar til skummelt. Dagens sjekkliste:

Stimulering av sentralnervesystemet. Idag har me laga liste over -isme ord (nærare 75 på 30 min)

Stimulering av respirasjon. – Kombinasjonen tett i nasa og overdose av kaffi: Prøver febrilsk å hyperventilere (ufriviljug) men til korpus’ store fortviling så går det ikkje luft verken ut eller inn.

Stimulering av hjarterytme. – 7200 rpm.

Farmakologisk toleranse. Ja, heilt sikkert.

Tydelege abstinenssyndrom ved fråhald. – Mmppmmbbppp…..phhphbb….ugh!

Ved inntak av store mengder fungerar koffein som gift. – Kven er koffein? Koffein Annan? Har du noko koffein til sals eller? Du får bilen min viss du spanderar ein kopp på meg….

Ellers kan wikipedia opplyse:

På 1700-tallet gav ein kaffi gitt til munkar og prestar i den katolske kyrkja som eit middel for å minska dei kjødelege driftene deira. Kaffien hadde ord på seg om å motverka erotiske kjensler og gjera menn impotente.

Kaffi vart òg seld på apotek som avføringsmiddel.